دنيا زى البلونه

بسم الله الرحمن الرحيم

دنيا مليانه هوا

عامله زى البلونه

طايره على طول فى السما

الحقونا يا خلق الحقونا

ناس وشوشهم متغيره

ومش راسين

حتى القلوب متغيره

ومش عارفين

طب نروح على فين

او حتى لفين رايحين

فيها الناس بتتخدع

وبطير من ايد لايد

والغبى الى يفرح

بلحظه ممكن يعيشها سعيد

لازم تعرفو شئ اكيد

ان الدنيا زى البلونه

طب جرب مره

انفخ فيها

هطلعك البلكونه

طب بص بقا من فوق

على الناس تحت

هتلاقى طوق على رئبتهم

من كتر الفحت

مخنؤين من هم الدنيا

وبيحلمو

يعيشو مره فيها بكرامه

ويفرحو

لكن دول مين الى يحلمو

دول اخرهم

يداسو ويتبهدلو

ها

لسه باصص من البلكونه

طب شايف ايه كمان

عارف انا عارف انتا شايف ايه

شايف شئ غريب

ومكسوف تقول عليه

لا لا اتكلم واقول

ما خلاص الناس عارفين

ايوه فى ناس كمان ماشين حافين

وادى كمان ناس فى طابور مادسين

وناس جمب الحيط مترمين

وناس ماشيه تكلم نفسها ومهموين

يعنى كنت مستنى ايه

ما انا قولت

الدنيا زى البلونه

فاضل ليها تكه وتفرقع

يدوب خورم ابره وطرقع

اصلها كده متمشيش

من غير عدل

ازاى نعيش

هما الى خلوها كده وقسموها

خلونا ناخد بالجزمه

وناس تيجى من بره يكلوها

وقال ايه بيقولو بيصلحوها

يلا مسيرها تطير من ايديهم

مهى زى البلونه

بس خد بالك

لجسمك يخدك ويقع من البلكونه

ولا اقولك متستعجلش

ماهيا واقعه واقعه

اصلها مبنيه على الغش

يعنى ضايعه

هيا كده كل حاجه ملهاش اساس

هتاخد على راسها

مهما طال الزمن

او اتغيرو الناس

يس ربنا فوق عالم بحال الناس

والى مبنى على الغش

هيقع طول ما هو ملوش اساس

والخير بكره بنتشر

ويغرق الناس

ومش هيكون فى اهلنا

تعبان او فقير

حتى الاساوه والظلم

هيختفو

وهنكسر وراهم زير

اوعى تكون صدقت

لا ده انا بحلم

اضحك اضحك

برضو الله اعلم

بس الى عارفه انا

حاجه واحده

ان الدنيا زى البلونه

مره تبقى فى ايديك

ومره تسيبك وتجرى تتطلع للسما