قصه كفاح منيله

بسم الله الرحمن الرحيم



حكايه حلوه مستعجله

قصه كفاح منيله

فيها صمود

فيها عهود

فيها حلم

فيها امل

قصه كقاح الولد

فى البدايه اتولد

طفل صغير فى المهد

بدا يكبر بالتعليم

من اب وام

فى زمن عقيم

اتنقل بين مراحل

التعليم

وكان دايما ماشى

على الصراط المستقيم

عرف معنى الرجوله والجدعنه

وكان بعيد عن البلطجه والفتونه

كان بيكبر وعارف دين ربه

وكان فعلا مفيش حد زيه

وادى الولد لما كبر

بقا ليه قصه كفاح

اخد يا ناس اعلى الشهادات

ودكتوراه فى احلى المجالات

وتقدير من كل الجامعات

واهو بيدور على شغلانه

لف لف ملهوش حدود

لحد ما زهق وكره بلده

وفكر يهرب من على الحدود

لكن قال لا

ليا وظيفه فى بلدى

وانا استحق

ده انا كبرت بزمه وشرف

وقال لنفسه

اه لو حد مسئول عرف

هيرحينى من القرف

ومسيرى اكبر واتعرف

وادى الولد راح قدم الورق

اتحفظ واترمى واتحرق

معتش ساكت

راح مبلغ المسئول

قاله ايه يا بنى

انتا مسطول

قال الولد انا جاى اشتكى واقول

قاله مش هتقول

هديك شغلانه بواب

قال بواب

قاله وانتا تطول

استغرب الولد وقال انا معايه دكتوراه

وخبط كف على كف وقال يا حول الله

اتلفت الولد

شاف واحد جاى عليه

شد انتباهه راحت عنيه باصه عليه

قال الله ده كان معايه فى التعليم

ازاى يبقا هنا شغال

وكمان قديم

ده انا واخد اعلى الدرجات

وهو يدوب مقبول بعد التوصيات

اتنرفز المسئول

وراح قايم على طول

ومد اديه وقال

هات شكوتك هات هات

راح ساكت الولد

راح واقع مكانه

ولسانه سكت

الحقو

الولد جالو شلل

راحو اخدوه وعلى مستشفى ودوه

وعملو كمان اثبات حاله

عارفين عملو ايه

قالو انه اتشاف فى طريق مرمى فيه

ووعلى حساب الدوله هنداويه

عرف ابو الولد الحكايه

اتنفض

غار على ابنى ولظلمه رفض

راح جرى على المسئول

قاله انتا مين

قالو انا ابو الولد

الى زلتوه وعلى سرير

مشلول قعد

راح ضحك المسئول

وقاله ايوه عرفته

مش ده الواد المسطول

اتعصب ابو الولد وقال لا

ابنى طلب وظيفه وده حق

راح غضب المسئول

وخلا الامن يجرى عليه

وراح عامل شكوى للحكومه

وبيتهمه فيه

انه اتجرء عليه

عارفين حصل ايه

حبسو الراجل وفى منفا ودوه

ولغو دفع علاج الولد الى شلوه

وهيا ديه قصه الكفاح

واخره حلم جميل

راح