حياه افلام

بسم الله الرحمن الرحيم


لف ودوران

وحياه افلام

وجيل تعبان

وحياه بتنجان

ورغيف عيش مش موجود

ونصب وسرقه من غير حدود

وكمان تتهرب اثار الجدود

والارض تبور

والعواطليه طابور

والى يلحق ياخد

والى ميلحقش يغور

مشهد سينمائى وعايشين فيه

تعب ومرض وظلم وراضين بيه

راح الرقابه اتوافق عليه

قلت ليه

قالو بص على الشعب

لقيته فعلا ينطبق عليه

والبطل كان اسمه ايه

كبير وحاكم

وهو الظالم

والباقين شله الانس

واحنا كنا يا ناس كومبارس

يا مصرى يلى عندك كرامه

فين عزتك

فين نخوتك

راحه فين يا مصرى الشهامه

حئق هتتسائل عليه

يوم القيامه هتعمل ايه

ليه ترضى تعيش انسان ذليل

وتكون عبد لانسان حقير

يا مصرى ده زيه زيك

والارض ديه ارضه وارضك

حتى الحلم ملكه وملكك

ليه ترضى تكون عايش ذليل

على ارض ملكك وتكون اسير

وتكون ميت وكمان مدفون

ونهارك اسود مليان غيوم

والعاقل فينا يخلوه مجنون

وابو صوت عالى فى السجون

ويقولو فى الاخر ديمقراطيه

انتخابات كمان ميه الميه

لا رشوه فيها

ولا بلطجيه

ولا صوتى حتى يروح عليا

ولا صوتك بغدوه وورقه بميه

ورقابه ضايعه

ويقولو شفافيه

وحرامى يتحصن

و يسرق فيا

يا مصرى فوق وقوم

قبل نهارك ما يسود وتملاه غيوم

قيل ابنك ما يدمر

ويجى ما بره غريب ويتامر

قبل ارضك ما تتباع بتراب الفلوس

قبل ما الجزم تيجى على راسنا ودوس

قبل ما الوطن يضيع

قبل ما الشريف ما يسلم ويبيع

وتبقا حياتنا لف ودوران

ونكون كومبارس

فى مشاهد افلام

يا مصرى قوم