فصل الخريف

بسم الله الرحمن الرحيم

تقع اوراق شجر فى فصل الربيع

وتميل الغصون وجمالها يضيع

وتتفتح الورود فى فصل الخريف

وينزل المطر فى فصل الصيف

والشتا بقا حر ونار

وفصول السنه بقت فى انهيار

والمحترم بقا نصاب

والدكتور واخد شهاده من الكتاب

والى نافع زى الصايع

ويتولد طفل باربع صوابع

والتانى برجل واحده وكمان ايد

وراس السنه خلوها عيد

واتبدلت التواريخ

وبترجع العصور

وانتشر الصينى فى بلدنا

وخلو الغراب عصفور

وادى حالى جوه بلدى

ومتحزن عليه

حقى ضايع جوه منها

والظالم مبنقدرش عليه

والمسكين فى بلدنا مفحوت

عيان تعبان جعان

ساكت ولا سمعنله صوت

وادى كل حاجه دلوقت متغيره

حتى الكرامه بقت متنتوره

والشرف يا ناس بقا ليه مزاد

وبعد ما كنا مصرين

بقينا اوطى العباد

ها مين هيلحق ويفوق

قبل ما يفوت المعاد

مين هيضحك ويروق

قبل ما تتباع البلد

ونبقا مطمع لكل البلاد