يا مصر هدعيلك

هدعيلك

من قلبى يا مصر هدعيلك

يحفظك المولى ويحفظ نيلك

فى قلبى الاه بتقتلنى

على دم اخويا وصاحبى وابنى

من جوه عيونى ببكى الدم

على حلم جميل اتحول غم

منين ولفين كنا رايحن

وقلنا ثوره واهو ماشين

وادى السياسه دخلت فى الدين

والاحزاب بقو مختلفين

ومين الصح مبقناش عارفين

يا ناس ياهو

الجيش المصرى مفيش زيو

طب بالله ارحموه

لباديكو تموتوه وتعجزوه

والله خايف من الشماته

والناس المدسوسين

ارحمو مصر ارحموها

ارحمو مصر يا مسلمين

مفيش مانع نتظاهر وتبقى سلميه

ونفرق بين محترم وشويه بلطجيه

مفيش مانع نرفض او نطلب حق

انما المانع لما على كل حاجه نقول لا

مين مصرى بجد وبيحب البلد

مين لونه امحى وبجد يكون ولد

عشان يحمى مصر ويحمى ثورتها

قبل النار يا ناس بمصر تكون اكلتها

مين ابن راجل ووافق على التغير

مين رافض الفوضى والاستهزاء بالغير

مين على سنه الرسول بيتبع الهدايه

وبيشاور على البلطجى وسطنا وبقول ده مش معايه

ادعو باعلى صوتكو لان ده وقت الدعا

فى صبح او عصر او حتى وقت الضحى

لازم كله باعلى صوته يدعى لمصر

ديه بلد حضاره وعزه وتاريخ وبلد كل عصر

يارب يارب احمى مصر