مالك ياهم بينا

يا هم مالك بينا

عمال تتقل وتزود فى مجيبك

هو عشان ناس من على راسهم نزلوك

افضل لوحدى انا الى شيلك

يا هم فى ناس كتير موجودين

عايشين فى سعاده ومتهنين

الله يكرمك خف عنى

وروحلهم لو حتى دقتين

هو ليه اخرج من بكره

الائيك فيه اوحش من امبارح

وفرحى متهنيش بيه وفى ثانيه الاقيه رايح

ومن حفره لنقره لدحديره ويهم ولا يهمك

صعبت نفسى على الناس

ولساها بتشتكى منك

بالله عليك خف عنى وخلينى ارتاح

ده من صغرى وانا عايشها كفاح

ولا ناوى حتى فى شيبتى

تكون لساك على الراس

افتكرلك وانا فى صغرى

لما كنت لسه من الكبار بتباس

وكان لسانى بينطق قلم قيم والكراس كياس

كان بيقوم بدور راجل ولاسره بيعول

ومن كتر همك على ظهرى ياهم

بقيت بينقاس بالعرض والطول

تغور الحياه بيك تغور

بقيت بسببك طور فى ساقيه بيدور

وللفرح مستنى فى صف طويل فى اخر الطابو

مش بقولك تغور الحياه بسببك تغور

من تعب حب لنار فراق يا هم مش سايبنا

وفى الغم دايما تكون بس مصاحبنا

ولما يجى الفرح تلعب دور حرامى

وفجاه تسرقو منا

هو انت صفه ولا ضمير ولا فعل ولا اسم ولا حال

طب ليك شكل طب ليك ريحه ولا وصفك يفوق الخيال

هو انتا مش بتصعب عليك ليه دموع

ولا راجل شئيان

تعبان

عيان

بيموت من الجوع

ولا ام ليتامه بتربى وصوته انكتم مش مسموع

قولى بقا هو انتا صنفك ايه

قولى حتى شكلك ايه

فيه كتير فى الدنيا وقايلين الحمد لله

بس وجودك مبقاش ليه عازه

لان وجودك بيزود فينا الاه

فينا المريض وفينا الى على الحديض

فينا الى مش لاقى حتى لقمه العيش

ومكدبش عليك فينا برضو الى شايفك اكبر هم

والى غصب عنه بتوسع منه وفجاه ما بتتلم

والى من صغره فجاه امه ماتت وبقا نفسه فى حضن ام

وفينا وفينا وفينا وفينا

والله يا هم فينا الى مكفينا

ده طلب غصب عنى اسمحله اطلبه

بس المهم بعد ما تسمعه تعمله

خف عنى او عنا او عن كل الناس

عشنا كتير ياما بننضرب بالمداس

وناس بتتهنى فى قصور بدهب والماظ

وناس وناس وناس وناس

وادينى وانا ببعتلك يا هم ربنا سمع شكرى له

وفجاه السما نزلت مطر من عنده

فعرفت ان الى جاى هيكون خير ولينا مكتوب

مهو ادم اتولد وبقا كل شئ عليه محسوب

وعلى الجبين اتكتب قدرنا

فحمدى وشكرى لربى هو الى قادر ينصرنا

فهفوت امرى لله رب العالمين

يرحمنا ويعفو عنا ويرحمنا من الظالمين

ويجعلنا احسن عباده

ونكون على الصراط المستقيم

صراط الذين انعم عليهم

غير المغضوب عليهم

ولا الضـــــــــــــــــالين

اميـــــــــــــــــــــــــن



……………..
خالد جادالله