kabo Admin
عدد المساهمات : 271 تاريخ التسجيل : 15/05/2009 العمر : 37
| موضوع: عاوز اعيش بحريه الجمعة مايو 25, 2012 1:09 am | |
| عاوز اعلى صوتى واسمع الحراميه
لعمرو وشفيق فككو من حوار الوطنيه
زهقت بقا عاوز اعيش بحريه
وادينى اهو بكتبهلكو بالعاميه
الكل عارفكو وحافظكو واكلين حق كان فى الاصل ليا
عاوز اعلى صوتى واسمع الناس الغلبانه
عمرو ولا شفيق دول ناس شبعانه
ناس فى نظام سابق عاش على قفانه
ناس فى الاصل خونه لكن عايشين معانا
عاوز اعلى صوتى لكل شاب من عمرى
مين خلاك تياش وتشيل الهم من بدرى
مين خلا العلام امتحان وغش وبرشام
مين اكتر الرشوه وخلى الحياه بتنجان
مين خلا الوظيفه تبقى بالمحسوبيه
ابن البيه وابن الباشا ويغور الفقير ابو جلابيه
عاوز اعلى صوتى واسمع كل ام غلبانه
ابنك كان واحد منا لما فجاه الشهيد مات
اوعى بصوتك لباطل تضيعى حق الى مات
اوعى يا امى بطيبتك تنتخى البشوات
الى فاكرين البلد عزوه وبتتورث بعد الممات
اوعى يا امى احس بيوم ان الشهيد بجد مات
عاوز اعلى صوتى لكل واحد بيسمعنى
اوعا كلمه فى زحمه او لقمه بلحمه تخدعك
او وعد اهبل او واحد انه هيشغلك
اوعا يضحكو عليك بكلمتين
اصل الحر بيفهم وليه عقل وعين
عاوز اعلى صوتى واقول بقا للحراميه
اعيش عمر جاى بشرف وعادى برغيف وطعميه
افضل ما اعيش متهان ولقمه حلوه تبقا سم نازله فيا
اعيش بكرامه واصاله واعيش بشرف
بجد يا عم عمرو ويا عم شفيق الوحد منكو بجد قرف
| |
|