ما هما السبب

هما الى علمونا

منحترمش طابور العلم

وهما الى سابونا ولا حاسبونا

لما كنا بننسى القلم

فاكر انا كان بؤى دايما فى ودان صحابى

واذاعه مدرسيه تصرخ تلالى

وفى طابور المدرسه الكلام يحلالى

و قبل ما يجيى الاستاز صاحبى يقولى و اخد بالى

ويجى الاستاز يقول عليا ده واد ممتاز

ولما يجى نشيد بلادى

افضل اغنى اغانى عدويه

ويتعاد النشيد مليون مره

ولا كان حتى بياثر فيا

لحد ما يجى الاستاز وينادى عليا

ويقولى يلا اطلعو طابور

وقدام عينيه ناس تجرى على الحمام

وناس تنط من فوق السور

ويجى صاحبى المدلع الغندور

وهو بيتاوب على الحصه التانيه

ويقولو الاستاذ اتاخرت ليه

يديله فلوس الدرس

فيقوله فين فلوس الحصه التانيه

ويتنسى الموضوع ويتنسى الطابور

والعيال الى فى الحمام والى نطو من فوق السور

وكمان المدلع بتاع الحصه التانيه الغندور

وفين الادب فين التربيه فين الاخلاق

بقت خلاص المهم فلوس

والباقى يغــــــــور

فاذاى دلوقت عاوزين الناس تعرف الاخلاق

وتضربو ارهاب وتدمرو الانفاق

ما لو كان فيه تربيه ما كنش ده اتعمل

ولا كان جندى مصرى انقتل

وام يتحرق قلبها ويصبروها بام البطل

ارجوكم

ربونا

علمونا

عرفونا

يعنى ايه احترام

يعنى نضرب للمعلم مليون سلام

والزبال نعرف قيمته من غير تريقه وكتر كلام

ونمنع دخول بلدنا الحشيش والبرشام

ونهتم بدينا وننعرفهم الاسلام

ومنخليش عقولنا كل يوم تتهان

خلاص تعبت ومات الكلام

khaled gad ala