اسمحولى اعرفكو انا ابقى مين

اسمحولى فى البدايه اعرفكو انا ابقى مين
انا ابن فلاح وابن صعيدى
واصحابى مسيحين ومسلمين

اسمحولى اعرفكو انا ابقى مين

انا ابن البلد
ساعه الجد اسد
واقول لبلدى ساعه النداء نعمين
كان حلمى تحرير البلد
وتحرير الجولان وفلسطين

دق النداء فى ساعه الصيام
وكان لينا كانه اذان
واتحول من حى على الصلاه
لحى للكرامه والشرف والتضحيه

وبدانا بسم الله
والله اكبر كانت غنوتنا
اموت واخويا يموت
والله اكبر تقوى عزيمتنا

وبوحده العرب بقينا قوه خارقه
ومنعو البترول وديه كانت الفكره

وبخراطيم الميه نزلنا فى الارض الجبروت
وبخراطيم الميه حطمنا احلام اليهود

اسمحولى اعرفكو انا ابقى مين

انا ابن العشرين
رجع كرامه ملايين
عاشو سنين محتلين
سلاحى كان غير اى سلاح
سلاح شهاده ان لا اله الا الله
وسلاح كان الشهاده عند رب العالمين

عرفتو يا اخواتى ويا اصحابى انا ابقى مين


باختصار باختصار

انا ابن لام لابسه ابيض
من يوم 6 اكتوبر عام 73