يحرق.....يا مصر ويحرق....الى جابك

يحرق.....يا مصر ويحرق....الى جابك

ما الكبير والصغير فيكى هانك

ونعمل مهما نعمل وكان كله عشانك

وفى النهايه نلحس ترابك

وخيرك يروح للى خانك

يحرق...يا مصر ويحرق....الى يصونك

ما فيكى بس متهنى الى يخونك

وينداس الى يحفظ تاريخ جدودك

وينقتل بس الى يحمى حدودك

والسرقه عينى عينك فى وجودك

وقال ايه وبعد كل ده بحنلك

واقولك ساميحنى لو فى شعر بشتمك

ولا اقولك اعتبريه غزل

ما عادى كل ايامنا فيكى بصل

والحرامى فيكى بيعمله منه بطل

يعنى حياتنا فيكى عكس عكاس

وكل بيعدى يومه وخلاص

فا مجتش على شويه شتيمه

ما ده كلام لا هيقدم ولا هيقل منك القيمه

اصلك يا معموره يلى سموكى ارض الكنانه

حياتنا بقت فيكى هم وعلى طول تعبانه

وشبابك بقا على اتنين بينقسم

شباب بجد راجل وشباب فى بؤه لبانه وبيترسم

وادى المركوب فيكى بس بقا الحمار

وشهاده على الحيط تتعلئ وقهواى مليانه طول النهار

اكمل يا ارض الكنانه ولا كفايه عليكى

عرفتى ليه فى شتيمه بقصيده بهديكى؟؟!!

يحرق .....يا مصر ويحرق...الى جابك

وينعل اليوم الى نزل فيه عرقانا على ترابك

وتحياتى للحرامى الى سرق وسابك

اه نسيت

امضاء شاب من اجيال محطمه من ولادك