مصر بتسالك

موضوع: مصر بتسالك الإثنين ديسمبر 10, 2012 7:56 pm

احساسك ايه

لما تبقى فى بلدك وتحس انها تايهه منك

زعلانه منك

وبتقولك معقول

تقتل اخوك وابنك

احساسك ايه لما بلدك تقولك ليه

يموت ليه

عشان ايه

ولا كل ده عشان الكرسى هتموت عليه

احساسك ايه

لما تسالك ايه زنب الفقير

بكل يوم مظاهره فى ميدان التحرير

اذا كنت انتا متهنى؟

والله فى ناس ما لاقيه تنام حتى على الحصير

مصر بتسالك

فاكر نهر النيل

والمصرى الاصيل

طب فاكر غيرتك على بلدك

غيرتك على اهلك

طب ما يا ابنى الى بتموت فيهم دول هما برضو اهلك

ناس منك

فيهم ابن خالك وعمك

فيهم حبايبك وصاحبك

مصر بتقولك

هو انت ضامن تعيش؟

طب قولى يلا كام سنه

ها سنه ؟
اتنين ؟
او حتى تلاتين سنه؟

طب ما كله راح وفضلت المحروسه انا!

يلا جاوبو واوعو تكدبو

ادوكو كام ؟ ايوه هما

الى مشرفين فى اللومان

ادوكو كام

ايوه هما سبب ضياع عقول بتسهيل بانجو وبرشام

وادى مصر بتسالك

ليه تعيش مغمض
وانت بامكانك تفتح

ليه تسمح بالحزن يغمك
وانت فى ايدك تفرح

ليه ممكن ترضى بالفشل
وانت بامكانك تنجح

مصر بتسالك

هى مش ديه ارضك

يعنى شرفك وعرضك

طب ينفع تلوثهم بدم فى الاصل هو دمك

يلا فوق واصحى وشوف مين خمك

مين غشك

مين ضحك عليك وسرق منك مخك

وادى مصر بتقولك

انها لساها بتحبك

يلا انت كمان حبها

ده اروع احساس فى الدنيا

لما تسجد وتبوس تراب وطنك

وادى مصر بتسالك