صوره فى خيال

صوره فى خيال والاصل حلم

اعيش انسان بنور العلم

انسان شريف
انسان عفيف
انسان نضيف

ياخد حقه ومن غير ظلم

صوره فى خيال والاصل راح

وده اسمه ايه كان اسمه كفاح
يضيع علشان غيرى يرتاح
وكل زنبى ان ابويا فلاح

صوره فى خيال والاصل اتغير

وازانى وليه انا نفسى اكبر
ونتهان لو قولنا نفكر
او على الصح كنا بندور
والنهايه كيان ادمر

صوره فى خيال والاصل حقيقه

افضل عايش كل دقيقه
بالام ضياع احلام بريئه
والحاجه الحلوه تبقى مضيبه
وحتى الفرحه تبقى كئيبه


صوره فى خيال والاصل طرف تالت

ومن البلطجى بقى بيجرى الظابط
وانفك المربوط بعد ما كان رابط
وهيبه قانون بح خلاص ضاعت

صوره فى خيال والاصل حريه

انتخابات شريفه علنيه
ولا تزوير ولا حراميه
ولا صوتى يتابع بورقه بميه
والاسم مخفى ورا ديموقراطيه
وهما اساسا ناس حراميه


صوره فى خيال والاصل احنا

شباب بجد بيمر بمحنه
ولا عمرنا يوم حتى فرحنا
وينسرق منا كفاحنا
بكدبه بسيطه لما كنا عيال
لما حكو لينا عن الابطال
وفى للمه كبيره قعد الجد وقال
عشان تكبر
لازم تفكر
وعن الاصل تدور
واوعاكو يا ولادى تنصرو الظلم
اوعاكو يا ولادى تهملو العلم
اوعاكو يا ولادى تهينو الام

والقصد هنا كان الوطن
القصد مصر ارض النعم
القصد مصر ارض التاريخ
وقرب من الموت لانه جريح

صوره فى خيال وادى النهايه

بظبط نفس شكل البدايه
لمه كبيره وعامله اعتصام
والفاظ خارجه واقزر كلام
وننسى ان اهانه رموز الوطن زى اهانه الوطن تمام
وننسى ان يوم فى متر فى متر هنام

وصوره وادى نقلتها
وحاجات كتير كتبتها
وبرجلنا لسه بنروحلها

صوره فى خيال