فله واخوانجى

احنا الناس التانين
الى مش فاهمين
عايشين ولا عارفين
فين بيودى لفين
والسر كان
اصلهم بيقولو
ومن زمان
ولسه بيقولو
ولما تسال ع حق
تلاقيهم بيشحتوكو
وتاخد ما تقولش لا
لحسن يطلع عين ابوكو

دايره وداره ولسه دايره
وتنتخبو مين ابن الدايره
بورقه بعشره او حتى بميه
ومن نصابين لناس حراميه
وثوره فركش صعبت عليا
وضحكو علينا الاخوانجيه
وفلول الفله قال انا صح
روح تك نيله ياخى اح (ه)

انتا وهما نفس الوش
عمال تسرق ومصر تكش
سبنا الباشا ومسكنا البيه
وحلمى مات ودوستو عليه
ومشروع نهضه اتحول ايه
ضلمه وعتمه وموت وخراب
ده حتى السما اتملت جراد

ورجعت ريما لنفس العاده
قله قيمه وجوع بزياده
وامان ايه اسمالله عليه
زى ما كان وعدنا البيه
ب100 يوم هتحسو بيه
ومن يومها وانا مستنيه

وبنفس الحاجه عايرونا الفله
وقالو الامن بسم الله ماشاءالله
على ايامو كان بيطمنا
ومسكو فامانو ونسيو انه سارقنا
وعايشين نتنفس لكن كان مموتنا

ونخرج من نقره لدحديره
ومن هم لهم
ويغور الفله واخونجى ومعاهم الامن