فاكر زمان

موضوع: فاكر زمان الإثنين مارس 11, 2013 4:50 pm

لما فعلا كانت مصر امن وامان
زمان قبل الفلول والاخوان
ايام جدى وجدك
قبل ما يحكمنا الى هدنى وهدك
فاكر لما كانو قاعده ع بسطه تجمعهم
وف الحزن مع بعض ولا شئ يفرقهم
وكل واحد خطوته تسبق الى قبله
لو شافو يوم محتاج
ولا حتى كانو يستنو انه يخبط ع باب
فاكر حدودته ان مصر ام الدنيا
اهو حربوها وبقت افقر بلد ف الدنيا
فاكر زمان
لما كان الراجل فعلا راجل
قبل ما يتحول مان
والبنت عفيفه شريفه
قبل ما تتحول (ياى اوه جنان)
فاكرين انتو ولاد البلد
اسف مش هتفتكرو
اصلهم كانو قبل ما انا وانتا نتولد
فاكرين بلدنا الحلوه الهاديه
معبد ونيل وهرم وساقيه
اهو دلوقت حضارتنا هياجروها
وبعد كام سنه ممكن ف ميزاد يبعوها
وحقوقنا واحلامنا داسوها
مش عارف ليه بقينا دلوقت 100 تيار
وراى غير راى وقرار غير قرار
ورغبه ف حته من مصر التورته
وحاكمنا اتبدل وبقى سمسار
واحزاب طماعه
خلو مصلحه مصر شماعه
وبيها بيضحكو ع الدقون
ده حتى ال سايب سنه النبى
بنقول عليه اخوان او حرامى وبيخون
ولخبطه لخبطه وملو بيها راسنا
ويلا انشالله كده يرتاح رائيسنا
الله يرحمك يا عبد الناصر انتا والسادات
الشعب المصرى من بعدكو
اتزل وضاعه كرامته وبقى شحات

» حب ده كان زمان
» كان زمان فى حاجه اسمها عرب