(شريعتى هى شريعتك)

ف عز الضهر والحر قاتلنا
علشان مصر نشف رقنا
فا طلعت هيصه وشويه ناس
رشونا بالمايه وبلح ف كياس
واطفال جمال ماسكين اعلام
باسم مصر غنو الاطفال

وقولنا دى ثوره ومش انقلاب
ومش اى مسلم يكون ارهاب
ده انا ابن مصرى ومسلم زيك
ولا هيفارقنا دقنى ودقنك؟
شريعتى بدمى هحافظ عليها
ما هى شريعتى زى ما هى شريعتك

قولتو ده صوتنا وجابو صندوق!!
يغور ده الى عشانه  تقتل  اخوك

ينفع يعنى نبقى بوشين؟
والاصل واحد ونفس الدين
يحرق دى سياسه الى تخلينا
نغمى عيونا يا مصرين

قولنا مبارك ده كان كابوس
لكن مرسى كمان جاسوس

زيتنا صابونا وسولار كمان
راحو لحماس وكتائب القسام
تاخد قوتنا وتديه لغريب؟
ينفع كده يا حافظ القراءن؟

اه اخواتنا وعروبتنا واحده
لكن حاجتك تبرر الوحده
متخليش شعبك محتاج
ومن ده لده يكون شحات

يحرق دى معونه الى تخلينا
امريكا زفت تتشرط علينا
واسرائيل بنتها البكرى
تعرف  قوتنا ونتحول كوبرى

وسياستى سياستك يعنى ايه؟
دستور بلد نتفق عليه
والاسلام دين الدوله
ولا حد يقدر يتكلم فيه

ضخكو علينا بشعار الدين
وولعت نار ما بين اتنين
مسيحين ومسلمين
وشوفتو ساعتها وصلنا لايه

مات منهم عند ماسبيرو
ولا طلبو يوم عدو يجيى يحميهم؟

ولما انشال اسماله عليه
شفتو سعتها حصل ايه
طلب من امريكا وصايه وحمايه
وفضل هو ينادى لعدوى
والمسيحى وقف معايه

يا اخواتى يا مسلمين
ملتحين او متشددين
ده قالها زمان رسولنا الكريم
خير اجناد الارض جند مصر العظيم
وشوف اول جمله ف قرءانا الكريم
دى بسم الله ..دى بسم الله
الرحمـــن الرحيـــــــم