مبحبش السياسه

مبحبش السياسه
فمالى انا بالساسه
الساده بتوع السياسه
الى خلو كل همى لقمه عيش

فين زيتك فين صابونك
فين دقيقك فين العيش
ده انا مصرى ابنك شرفى عرضك
وكل ما املك فيكى مفيش
جاوبينى يا محروسه
ليا حق فيكى ولا ماليش


غلو علينا قوتك
ونهر نيلك بقى بفلوس
ويشحتونا فلوسك
وينحاش صوتى واسكت
لا بسببه اكون خاين مدسوس
عسلك مر بقى طعمه ع اللسان
ووردك دبل ومات
من بعد ما فتح ف الميدان
وشغلونا بقوتك


ولقمه عيشك خلونا وراها ندور
متغمى عنينا لابسين طرطور
ولا تسال ولا تقول اشمعنى
زى ساقيه وبيدورها طور
اوعاك تركز اوعاك تفهم
لحد ما يجى عليك الدور
يحرق حلمك يحرق علمك
انشاله تموت انشاله تغور
وموتك حتى ولا يفرق
متهان فيه او مستور
ده احنا اسيادك
طريقنا قصادك
يتمشى فيه يا اما تغور
لكن انا ولا يفرق
حلمى يموت او حتى يبور
فسيبو الباقى ف عقولنا وارحمونا
ده الباقى مش كتير
ومن عقده المناصب ريحونا
ولبس الطراطير
لو ع العزبه سيبنهلكو اشبعو بيها
هيشهد عليكو فى يوم اراضيها
وباعلى صوتها هتنادى عليا ارجع
وبايدى همسح دموعها وارضيها