جناب معاليكو

صوتى عالى ومستمر
حتى من بعد الاهانه والذل
وتخريب عقلى وعقل الكل
لكن عارف انها ضيئه
وبمشيئه الله وقت وهتمر
والفرحه غصب عنكو جايه
ووبصوتى هثبت انى حر

افضل اضرب احرق ولع
افضل اقتل حارب فجر
ده عمر القوه معايه بتنفع
ومكمل عادى وهفضل اصبر

من غباوه حضراتكم استكفينا
ومن حبكم للمناصب
كفايه عشنا مضحوك علينا
بوعود هبله اخرتها مصايب

صوتكو لسه صداه ف ودنى
والسواد لساه قصاد العين
بيلا افرح خد وابنى
والجنيه يبقى قصاده اتنين

مشروع شباب
وده كان نصبه من النصبايه
ده حته ارض افرحو يا ولاد
وتشحتط اهلى عليها معايه
وتمص فى دمى
وتموت حلمى
وف النهايه بتمثل دورك
تاعبك اوى وشغلك همى

وتفضل ترسم وتعمل خطه
ازاى ياعينى تشلنى من الورظه
وتاخد بايدى وايد الحلم

ويسقفولك احونه البعده
الكدابين بتوع الزيطه
واموت عادى ومعايه الفكره
واخبط راسى ف اكبر حيطه

لكن عادى مستحمل وهكمل
وغصب عنكو ناوى اقتل
فكر عقيم وعقل شيطان
وهبين حقى لانى مصمم
يبان المدارى ورا صوره انسان

عندى عزيمه
حتى بعد ما اتقسمنا
بنصره اكيده
ما عمر ربنا ف يوم ما يسبنا
واخر كلامى جمله مفيده

بقولها لجناب معاليكو
بصوتى بمشى وبجيب فيكو
وببفكرى وفكر جيلى هنعليكو
وخدو الى قبليكم عبره
لو حضرتكم نسيتو

احنا الى استهترو بينا
ولا سمعو صوتنا لما نادينا
بحريتنا فى التحرير
فلو متعلمتوش جنابكو
فشكرا ليكم ولتعبكو
عمرى ما هقبل تانى اعيش اسير