kabo Admin
عدد المساهمات : 271 تاريخ التسجيل : 15/05/2009 العمر : 37
| موضوع: خبر هام الإثنين فبراير 24, 2014 3:52 am | |
| خبر هام يا ساده اسود كالعاده متلون بلون العتمه دى مصر بقت خرابه
زرعها الاخضر دبل وصبرها الجبل انهد وفيها الحق بطل ونيلها بيتبنيله سد
كل يوم مليون كارثه وناس هبله لسه فاكره ان بكره جاى ابيض فوقو بقى واصحو من الغفله دى الى جاى بقى كله اسود
فقر ومرض واراضى بور وعداد موت شغال بالدور ومستقبل راح وانهار فجاه وعادى يروح او حتى يغور
مصر الحلوه بتتنفس بصعوبه سرقو نفسها بفتنه وطوبه وايام ذل بقت محسوبه وبتزيد بس على عمرها
قولنا وقت وهيعدى وهنخرج خلاص من الغمه ويجى الهم يزيد ويدى وتنحرق قلوب الامه
ركعت على رجليها متكتفه بتبكى تبوس ايد الى قتلها وتقوله ارحم ده دم ابنى وتشكى حالها للى خلقها
وخبر هام بقى عنوان بينكتب كارثه وحادثه او موته ونصيبه ولا حتى نعرف مين السبب او مين الى مخلى حياتنا كئيبه
حزفو مناهج الكتب فى السنه تلت مرات واستنو يكون الولد مخترع للذرات وبدرجه زياده اتفضل انجح وامتياز ف شهاده يلا افرح وفى النهايه يكون الولد ميكانيكى سيارات
خربو علام خربو صحه خربو اقتصاد وفالحين بس يمدو ايدهم للشحاته وهات وهات
واخر خبر هام يا ساده منى ليكو بحروف دم سبقها دموع ابوس ايديكو كفيانا حبكو ليها الى قاتلها ده احسن كرهكو لو هيعدلها او تغورو ف اى داهيه ده تاريخ اسود هيحفر اساميكو
| |
|