من النهارده ابنك مات

ايوه انا ابنك
ومن النهارده ابنك مات
لا تانى يوم هشيل همك
وسايبك لشويه البهوات
سايبك لانى رافضك
ومش هفضل تحت امرك
اعيش فيكى بس شحات

ايوه انا ميت
من يوم ما حلمى فيكى مات
وكرهتك لانك
بتسيبى خيرك للبشوات
فا مترجعيش تانى تلومى
وتقولى حبسونى وسرقونى

ما fغباوتك قطعتى رجلك
بعد ما ساعدك تقفى وتقومى

ومن النهارده هيراقبو كلامى
واصلى شريف انا
بكلمتين هييقولو حرامى

فعادى لما يرجع الذل من تانى
فايوه انا ميت
ومن النهارده هيسكت كلامى

ومش خوف ده منهم
لكن خوقى المره دى منك
ما قبلى راحو كتير ياما
ولا رجعتى حق ابنك

يا فرحتى باسم عيد الثوره
عشان نفرح سمو اليوم بيها
والله دى كانت مؤامره
ناوين يندمونا طول عمرنا عليها

فانا اسف صوتى من النهارده هينحاش
واتكلم ليه
ما اللحمه كتيره
والاكتر انابيب البوتجاز
والسراير ف المستشفيات فاضيه
والشوارع من الزحمه هاديه
وكل طالب ف المدرسه على تخته
والقهاوى فيكى فاضيه
والحياه بقت معسله
وينقطع لسان الى يقول منيله

حلو انا كدا يا حكومه ؟
وملعون ابو الى يقول سرقونا
واقتلو الى رافضنكو تراقبونا

ما احنا الشعب
عادى اتفضلو طلعو ديك ابونا

ما احنا الشعب
واهلنا العاوجيز
الى بصوتهم
من تانى لبسونا القراطيس
وهيخلونا تانى نخاف
من كلمه ظابط او بوليس

زمن الشرف ولا
زمن الكرامه ضاع
رجعنا للاهانه
واسكت انتا يا بتاع

رجعنا من تانى بضهرنا
مغلوبين على امرنا
رجعنل تانى للى ناوى
يدوس علينا ويزلنا

فا من النهارده
انا ميت
وهعمل نفسى انى عايش
وموتى ده مجرد رساله
ما العمر الميت بيموت خايف!!