العيب فينا

بسم الله الرحمن الرحيم


بنلوم على الدنيا واصل العيب فينا

بننسا بكره ونفكر فى ماضينا

بنلوم عليها وعلى جراح فات وعدت

طب نلوم على الطيبه الى سبتنا وهربت

ولا قلوبنا الى قالت حب وهيا فى الاصل كدبت

نبص بقا على نفسنا والى بنعمله

اقلوبنا حجر والحب تعبنا من قلته

نفرح لو نزلت دموع الناس

واحنا لا فى قلوبنا رحمه ولا احساس

ونرجع ونلوم على الدنيا

والله العيب فينا والغلط ملينا

لو اغمئه الدنيا شويه

نفكر فى الى يخرجنا من همنا

واحد يمسك سجاره ويقول يارب انسا

وبيعمل اعمى ومش شايف

وهو فى الاصل من الحقيقه خايف

ونرجع ونلوم على الدنيا

وادى واحد ساب اهله وفى الطريق مهاجر

وقال ايه شايل فى همومه وجارر

واديه اهو مسااااااافر

وبردو عامل اعمى ومش شايف

وفى الاصل من الحقيقه خايف

والله العيب فينا والغلط ملينا

منفتكرش ان الهروب ده حل

او حتى هتكون العيشه فل

لا غلط ده ملوش معنى

شوف غلطك وصلحه وحاول تنسا

ولم حبيبك حوليك وشوف البعيد ورجعه ليك

خليك وسط زحمه الاحبه والاهل

وبجد سعتها هنلاقى الحل

بنعيب على الدنيا واصل العيب فينا