اصل الحكايه

بسم الله الرحمن الرحيم


ايه الحكايه واصلها ايه

يوم ورا يوم الى بنبات فيه بنصحا بردو فيه

ادى الدنيا الواسعه الدواره

شوارع كبيره وحاره جمب حاره

حكاوى الناس مش غريبه ويا الف خساره

ادى بيت جمب بيت وصعيدى فى ارضه وفلاح فى الغيط

الصعيدى راضى بحاله وشاكر ربنا

قاعد وسط مراته وعياله وبيقولو كفين خيرنا شرنا

وادى الفلاح فى حياته ووسط ارضه عايش مرتاح

بيفرح بلزرعه وهيا بتكبر واديه بياكل الناس

وهما وخدين كلمه فلاح تريقه اصلهم معندهمش احساس

بس مش كل الناس

ونرجع على اصل الحكايه والبيت الى جمب البيت

ونسبنا من الصعيدى والفلاح الى قاعد فى الغيط

والى هقولو ياريته كدب بجد ياريت

ونبتدى باصل الحكايه

ابن الجيران واقف قدام بيته زعلان وعدت بنت الجيران

بصتله بصه غريبه بقا واقف حيران بس فرحان

اصلها فى الاصل بصت بابتسامه

وقال علشان شافتخ مع واحده بقت غيرانه

المهم عرفته انها ليه مياله

والواد اتجنن وبقا عايش الف حاله

ديه اخت صاحبه وبنت الرجل الشهم الجدع

اقال لنفسه ديه اخت صاحبى فوق يا جدع

وافتكر الولد ان البنت مشيها بطال

وقال لنفسه اهو انا بردو اولا من الغريب

وهنبقا صحاب ولا فيه جواز ولا حتى حبيب

شفتو عمل ايه ابن الجيران فبنت الجيران

وكله اصله من تفكير الشيطان

ونكمل اصل الحكايه

ادى راجل شغال وهمومه كتيره

فاخدته الدنيا وبقى ناسى حاله يعينى من مشغله الكتيره

ومراته لسه شايفه نفسها مره عند صحبها ومره عند امها

وفجاه وهيا عند صحبتها شافها الراجل الى هناك

جوز صحبتها قلها انتى النهارده زى الملاك

ومتعرفش انها بدات طريق الشيطان الهلاك

مره بعد مره رجليها اخدت على هناك

وشويه ونسيت جوزها وبقت تستنا جوز صحبتها من الشباك

وفى النهايه دخلو برجليهم للهلاك

ونكمل اصل الحكايه

ديه بنت راحه لصحبتها اصلها بتموت فيها ما هيا حبيبتها

ومره ورا مره شافت اخو صحبتها عجبها الواد فقلعت طرحتها

وادى صحبتها اتحولت لكوبرى بدل حبيبتها

والله عيب مصيرها اسود فى اخرتها ودنيتها

ونكمل اصل الحكايه

شباب قاعدين مع يعضهم اصلهم صحاب كلهم

واحد قال واحد بجد انت الرجوله كلها

وبقت الشله عايشه دور المجدعه مع بعضها

وبعد شويه كل واحد راح لحالو

وفضل كل واحد يشتم على التانى ويلعن امه وابوه وخالو

اصلهم فى الحقيقه بيكدبو على نفسهم

وفضل الشيطان يلعب فى عقولهم كلهم

وادى حالهم خنئهم وغمهم

وهى ديه اصل الحكايه

فيها ايه بقا لو ابن الجيران راعا ربنا

والست والبنت وانا وانتا وهو احترمنا نفسنا كلنا

هيا ديه اصل الحكايه