الاتوبيس

بسم الله الرحمن الرحيم


راكب انا فى الاتوبيس قاعد جمب السواق

ورايه واحد ايدو على خده وواحد عمال يحب فى التلفون وبيقول مشتاق

وادى الكنبه الى ورا فيها راجل عجوز

ندهت وقلت ياحج مردش ولقيته لاوى بوز

كنت عاوز اضيع وقت واتكلم مع اى حد

وفجاه الاتوبيس جرى ولقيت السواق مد

بصيت على الرجل الى هناك

لقيت ايدو على راسو وساند على الشباك

وعمال يتهته بكلام مش مفهوم

اتارى جيبو فاضى والى على راسه مش ايدو طلعه الهموم

ويا عينى على الناس فى الاتوبيس

كلهم بيحلمو بلفانوس

والى ميلقاش الخاتم يفتكر نفسه منحوس

كل حياتهم هم والسبب قله الفلوس

احنا ركاب الاتوبيس وهما بتوع البطاطا

حياتهم فل ولوز وبيحلو بلشكولاته

الى ماسك هيئه وعامل فيها سياسى

والى واخد قرض وهربان ولحق الغلابه ناسى

الحقونى يا ناسى وقع خلاص شعر راسى

هو انا لازم علشان اكون كبير اكون ديمقراطى او دبلوماسى

لا خلاص انا هنسا ومش هركب الاتوبيس

وهاخد الورق الى معايه واطلع على البوليس

وهبلغ عن الحرامى الى بيسرق فيا وفيك

الى خلا الهم صاحبى وخلاك شحات مادد ايديك

االاتوبيس